DURANTE TINAN TOLU ESTABELESE, CO25 SEIDAUK IHA EDIFÍSIU RASIK

Dili, 20 Janeiru 2021 (CO25) – Tinan tinan tolu ona Comite Orientadór 25 seidauk iha edifísiu rasik hodi haláo servisu ho diak. Prezidente CO25, Sr. Constâncio Pinto “Terus” hato’o ba jornalista sira hafoin halo audénsia ho SE Minstru Edukasaun no SE Sekretáriu Estadu Juventude no Desportu ho director jerál sira iha sala reuniaun ministériu Edukasaun nian, Vila verde, Dili.

Prezidente CO25 hateten katak, durante ne’e sai obstákulu ida ba komité mak “to’o oras ne’e dadaun seidauk iha ninia edifísiu rasik hodi halo servisu nune’e mos instala servidór hodi arkiva dadus sira hotu ne’ebé mak CO25 rekolla ona hanesan audio no vídio intervista, dokumentu seluk ne’ebé CO25 rekolla iha rai laran nom iha rai liur”.

Sr. Constâncio Pinto “Terus” mos espera katak, “iha tempu badak ministériu Justisa hamutuk ho ministériu edukasaun bele mos hetan fatin ida, espasu ida ne’ebé mak diak mai CO25, nune’e bele arkiva I bele sai mos fatin ne’ebé estudante-sira bele ba aprende, peskiza no leitura. Ida importante liu mak atu proteze dadus ne’ebé maki ha ona. Ita tauk maki ta halo ona servisu lubuk ida, investe osan ba rekolla dadus nufin estraga deit”.

Audénsia ne’e hahú ho aprezentasaun progresu servisu ne’ebé CO25 halo ona no planu program aba tinan 2021 husi Diretora Ezekutiva CO25-nian, Sra. Eugénia Correia.