REUNIAUN ESTRAORDINÁRIU CO25

Dili, 24 Setembru 2021 (CO25) – Reuniaun Konsellu Diretivu ho membru sira hotu Comité Orientadór 25-nian hodi koalia konabá subtituisaun Saudozu L4 no Saudozu Julião Mausiri husi Organizasaun Sagrada Família (OSF) no OPJELATIL nudar membru CO25 ne’ebé husik ona mundu ba hamutuk ho Aman Maromak.

Alendé ne’e, Konsellu diretivu mos hato’o progresu servisu peskiza nian ba Membru sira hotu ne’ebé tuir planu sei halo lansamentu livru Volume I to’o III iha tinan ne’e no tinan oin.

Reuniaun ne’e taka ho “ 1 minuto de silêncio” hodi fo honra no Homenajen ba Saudozu Mau’Hunu Bulerek Karathayano ne’ebé fila ona ba Aman Maromak.
Reuniaun estraordináriu ne’e realiza iha salaun enkontru Centro Nacional Chega, eis komarka Balide.