MOURIS: MAX STAHL NIA LUTA BA TIMOR-LESTE EXTRA-ORDINÁRIU

Dili, 17 Dezembru 2021 (CO25) – Lia hirak ne’e hoto’o husi Prezidente Comite 12 Novembro, Gregório Saldamha “Mouris” bainhira hato’o nia diskursu iha âmbito halo’ot AhiKdesan ka Sinzas Saudozu Max Stahl iha Semitériu Santa Krus, Dili.

Prezidente Comite 12 Novembro, Gregório Saldamha “Mouris” hateten “Nia transforma bé turuk ida sai laloran bo’ot, Max Stahl ema malae mutin ida husi rai seluk ne’ebé halo buat hotu ho domin, badinas, brani no matenek, hodi apoiu Timor Leste nia luta ba ukun rasik-na. Se ita Timoroan ma luta, mate ba Timor-Leste baibain ka ordináriu tambá ne’e ita nia obrigasaun. Maibe se ema rai seluk ida mak prontu halo sakrifísiu no la tauk mate, foti nia vida determinante hodi hasoru risku ba ita nia rai, ita nia destinu, ne’e extra-ordináriu tebes”.

Prezidente Komite 12 Novembru mos dehan “Max Stahl ho nia maluk rai liur sira, laos deit hatudu sira nia solidariedade ba povu Timor-Leste iha Masakre Santa Krus, maibe molok no hafoin 12 Novembru 1991 mosu, Max Stahl buka dalan ho brani no matenek tama Timor-Leste maske hasoru dificuldade bo’ot oioin husi autoridade Indonezia”.

“Max Stahl laos deit fo nia atensaun bo’ot ba povu iha tempu funu, maibe hafoin funu remata nia deside sai nasionalidade Timor-Leste no hela iha ne’e no ho badinas servisu nafatin hanesan jornalista no halo kobertura  ba ita nia povu nia moris lorloron iha tempu ukun rasik-na” Mouris haktuir.

Enkuantu Saudozu Max Stahl hakotu is iha Brisbane, Australia iha loron 28 Outubru 2021 halo kremasaun iha 12 Novembru tinan ne’e iha mos Australia no Nia AhukDesan haloot iha Timor.