CO25 SIMU SUBMISAUN ARTIGU
CO25 SIMU SUBMISAUN ARTIGU
Tema Kona-ba “Maubere no Luta ba Libertasaun Nasional, 1974-1980.”
Comite Orientador 25 (CO25) iha komitmentu atu hariku no prodúz koñesimentu História Timor nian liuhusi produsaun anuál “Revista História da Resistência” ne’ebé laos foku deit ba história juventude no estudante iha luta Libertasaun Nasionál maibé mós História Kontemporánu, Rezisténsia, Kultura, Filozofia, Estudu Memória no seluk-seluk tan konaba Timor.
Iha edisaun IV, CO25 loke submisaun artigu akadémiku ba estudu empíriku no teorétiku sira ne’ebe foku ba história luta ba libertasaun nasionál husi periodu 1974-1980 no konseitu maubere. Hakerek sira bele kobre no konsentra ba eventu ka temátiku sira iha periodu inisiál luta ba libertasaun nian. Ne’e bele kobre temátiku sira hanesan kriasaun organizasaun ou movimentu polítiku, dekolonizasaun, guera sivíl, rezisténsia armada no luta iha baze apoiu nst. 𝑆𝑜𝑟𝑖𝑛 𝑠𝑒𝑙𝑢𝑘, hakerek mos konaba konseitu Maubere hodi análiza husi perspetiva oioin konaba Maubere, nia terminolojia, nia sentidu sosiál no polítiku sira no nia relavánsia atuál.
Edisaun IV sei publika iha fulan Dezembru 2023. CO25 enkoraja estudante ensinu superior, peskizador, estudiozu no pratikante-sira ne’ebé maka iha interese ho história Timor-nian bele submete artigu mai CO25. Bele manda artigu ba iha 𝘳𝘩𝘳𝘤𝘰𝘮𝘪𝘵𝘦25@𝘨𝘮𝘢𝘪𝘭.𝘤𝘰𝘮. Artigu bele hakerek entre 1500-8000 liafuan.