Pe. Filomeno Jacob hateten, Ema ne’ebé matenek tebes duni mak bele lori mudansa ba ita nia rai.

Dili, 30 Novembru 2021 (CO25) – Amu Filomeno Jacob hato’o Lia hirak ne’e bainhira konta istória pasazen luta ba libertasaun nian ba peskizadór sira iha edifísiu CO25 Akadiru-hun, Dili.

Pe. Filomeno Jacob hateten, “Juventude mak futuru, maibé futuru só bele garante bainhira joven sira iha fuan atu hadomi povu i matenek teb-tebes, matenek teb-tebes atu ajuda povu. Tambá eskola deit la to’o, bele eskola bo’ot maibé matenek tebes duni. Sé nia enjeñeiru, enjeñeiru ida matenek tebes duni. Tambá só matenek mak bele lori mudansa ba ita nia rain. Joven sira tenke matenek tebes duni atu ajuda kaer lisuk ita nian rai”.

Enkuantu partisipa iha prosesu intervista ne’e, vise prezidente CO25, Sr. Jacinto Alves, Diretora Ejekutivu CO25, Sra. Eugénia Correia, peskizadór livru ba volume III, Sr. José Caetano Guterres peskizadór livru ba volume IV, Sr. Júlio Xavier, peskizadór livru ba volume V, Dr. José Cornelio no Sr. Aniceto G.B. Neves.