CO25 halo Audénsia ho Ministru Edukasaun, Juventude no Desportu.
Dili, 3 Jullu 2020 (CO25) – Prezidente Comité Orientadór 25, Constâncio Pinto “Terus” akompaña husi Diretora Ezekutiva CO25-nian halo audénsia ho Ministru Edukasaun, Juventude no Desportu, Dr. Armindo Maia hodi koalia konaba ezisténsia no servisu CO25-nian.
Durante reuniaun, Prezidente CO25 ho ekipa informa progresu servisu CO25-nian no kolaborasaun servisu CO25 ho Ministériu Edukasaun ba futuru.
Alende ne’e, Minisitru Edukasaun, Dr. Armindo Maia mós hato’o katak peskiza istória importante no prontu atu kolabora ba servisu peskiza CO25-nian.
Iha tempu hanesan, Prezidente CO25, Constâncio Pinto “Terus” mós kongratula Ministru Edukasaun, Juventude no Desporto, Dr. Armindo Maia ne’ebé antes ne’e sai mós peskizadór iha CO25.
Enkuantu reuniaun ne’e realiza iha sala reuniaun Ministeriu Edukasaun, Juventude no Desportu Vila-verde, Dili.